الماتىداعى بلوكپوستا تٶتەنشە جاعداي رەجيمٸ كەزٸندە پارا العان پوليتسييا قىزمەتكەرٸ سوتتالدى. قىلمىستىق ٸس جايلى سىبايلاس جەمقورلىققا قارسى ٸس-قيمىل اگەنتتٸگٸنٸڭ 1-شٸ دەپارتامەنتٸنٸڭ اعا تەرگەۋشٸسٸ دانييار بەكايداروۆ اگەنتتٸكتە ٶتكەن باسپاسٶز مەسليحاتىندا ايتىپ بەردٸ, دەپ حابارلايدى "ۇلت اقپارات".
«2020 جىلدىڭ 5 مامىرىندا الماتى قالاسىنىڭ ەۋەزوۆ اۋداندىق سوتىنىڭ ٷكٸمٸمەن قالالىق پوليتسييا دەپارتامەنتٸنٸڭ پاترۋلدٸك پوليتسييا پولكٸنٸڭ ينسپەكتورى ب.ق.تىنىشتىقباەۆ 1 جىلعا باس بوستاندىعىنان ايىرىلدى. وعان, سونىمەن قاتار, مەملەكەتتٸك قىزمەتتە ٶمٸر بويى ەڭبەك ەتۋ قۇقىعى بەرٸلمەيدٸ. ول تج كەزەڭٸندە فيلتراتسييالىق بلوكپوستان كەدەرگٸسٸز ٶتكٸزۋ ٷشٸن ازاماتتاردىڭ بٸرٸنەن 20 مىڭ تەڭگە پارا العان», - دەدٸ دانييار بەكايداروۆ.
ول, سونىمەن قاتار, اتىراۋ قالالىق №2 سوتىنىڭ ٷكٸمٸمەن گ.تەۋٸرباەۆ اتتى ازاماتقا 112 500 تەڭگە ايىپپۇل سالىنعانىن حابارلادى. ول ازامات بلوكپوست ارقىلى كەدەرگٸسٸز ٶتۋ ٷشٸن اتىراۋ وبلىستىق پد ينسپەكتورىنىڭ شوتىنا 15 مىڭ تەڭگە پارا اۋدارعان.
