Qazaqstannyń ár qalasynda páter baǵasy aitarlyqtai erekshelenedi. Krisha.kz-tegi naqty satylym usynystary negizinde júrgizilgen salystyrýda Almaty turǵyn úi quny boiynsha kósh bastap tur, dep habarlaidy ult.kz.
Eń qymbat baspana Almatyda
Almatyda páterlerdiń ortasha usynys baǵasy mynadai:
- bir bólmeli — 26,5 mln teńge;
- eki bólmeli — 40 mln teńge;
- úsh bólmeli — 57 mln teńge.
Baǵa boiynsha ekinshi orynda — Astana. Munda:
- bir bólmeli páter — 23 mln teńge;
- eki bólmeli — 34 mln teńge;
- úsh bólmeli — 52 mln teńge.
Eń qymbat turǵyn úii bar qalalardyń alǵashqy bestigine sondai-aq Shymkent, Atyraý jáne Qostanai kirgen.
Eń arzan páterler qaida?
Turǵyn úi baǵasy eń tómen qalalardyń qatarynda Qyzylorda men Jezqazǵan bar.
Qyzylordada bir bólmeli páterdiń baǵasy shamamen 8 mln teńge, eki bólmeli — 14 mln, úsh bólmeli — 18 mln teńge.
Al Jezqazǵanda bir bólmeli páter 9,5 mln teńge, eki bólmeli 13 mln, úsh bólmeli baspana 21 mln teńge turady.
Almaty men óńirler arasyndaǵy aiyrmashylyq qandai?
Qaladaǵy baspana baǵasynyń aiyrmashylyǵy aitarlyqtai. Máselen, Almatydaǵy bir bólmeli páterdiń baǵasyna Qyzylordadan shamamen úsh bir bólmeli páter alýǵa bolady.
Al Almatydaǵy bir eki bólmeli páterdiń qunyna Jezqazǵannan úsh eki bólmeli páter satyp alýǵa jetedi.
Astanadaǵy úsh bólmeli páterdiń baǵasy Qyzylordadaǵy úsh bólmeli úsh páterdiń jalpy qunyna jýyq.
Páter baǵasy qalai ózgerip jatyr?
Qazaqstanda jyl basynan beri turǵyn úi baǵasy ósken. Degenmen jalpy ósim ázirge qalypty deńgeide qalyp otyr — orta eseppen 2 paiyz.
Jekelegen qalalarda baǵa ósimi 8 paiyzdan asqan. Al Almatyda kerisinshe, jyldyń alǵashqy segiz aiynda páter baǵasy 1,4 paiyzǵa tómendegen.
