قازاقستاننىڭ ەر قالاسىندا پەتەر باعاسى ايتارلىقتاي ەرەكشەلەنەدٸ. Krisha.kz-تەگٸ ناقتى ساتىلىم ۇسىنىستارى نەگٸزٸندە جٷرگٸزٸلگەن سالىستىرۋدا الماتى تۇرعىن ٷي قۇنى بويىنشا كٶش باستاپ تۇر, دەپ حابارلايدى ult.kz.
ەڭ قىمبات باسپانا الماتىدا
الماتىدا پەتەرلەردٸڭ ورتاشا ۇسىنىس باعاسى مىناداي:
- بٸر بٶلمەلٸ — 26,5 ملن تەڭگە;
- ەكٸ بٶلمەلٸ — 40 ملن تەڭگە;
- ٷش بٶلمەلٸ — 57 ملن تەڭگە.
باعا بويىنشا ەكٸنشٸ ورىندا — استانا. مۇندا:
- بٸر بٶلمەلٸ پەتەر — 23 ملن تەڭگە;
- ەكٸ بٶلمەلٸ — 34 ملن تەڭگە;
- ٷش بٶلمەلٸ — 52 ملن تەڭگە.
ەڭ قىمبات تۇرعىن ٷيٸ بار قالالاردىڭ العاشقى بەستٸگٸنە سونداي-اق شىمكەنت, اتىراۋ جەنە قوستاناي كٸرگەن.
ەڭ ارزان پەتەرلەر قايدا?
تۇرعىن ٷي باعاسى ەڭ تٶمەن قالالاردىڭ قاتارىندا قىزىلوردا مەن جەزقازعان بار.
قىزىلوردادا بٸر بٶلمەلٸ پەتەردٸڭ باعاسى شامامەن 8 ملن تەڭگە, ەكٸ بٶلمەلٸ — 14 ملن, ٷش بٶلمەلٸ — 18 ملن تەڭگە.
ال جەزقازعاندا بٸر بٶلمەلٸ پەتەر 9,5 ملن تەڭگە, ەكٸ بٶلمەلٸ 13 ملن, ٷش بٶلمەلٸ باسپانا 21 ملن تەڭگە تۇرادى.
الماتى مەن ٶڭٸرلەر اراسىنداعى ايىرماشىلىق قانداي?
قالاداعى باسپانا باعاسىنىڭ ايىرماشىلىعى ايتارلىقتاي. مەسەلەن, الماتىداعى بٸر بٶلمەلٸ پەتەردٸڭ باعاسىنا قىزىلوردادان شامامەن ٷش بٸر بٶلمەلٸ پەتەر الۋعا بولادى.
ال الماتىداعى بٸر ەكٸ بٶلمەلٸ پەتەردٸڭ قۇنىنا جەزقازعاننان ٷش ەكٸ بٶلمەلٸ پەتەر ساتىپ الۋعا جەتەدٸ.
استاناداعى ٷش بٶلمەلٸ پەتەردٸڭ باعاسى قىزىلورداداعى ٷش بٶلمەلٸ ٷش پەتەردٸڭ جالپى قۇنىنا جۋىق.
پەتەر باعاسى قالاي ٶزگەرٸپ جاتىر?
قازاقستاندا جىل باسىنان بەرٸ تۇرعىن ٷي باعاسى ٶسكەن. دەگەنمەن جالپى ٶسٸم ەزٸرگە قالىپتى دەڭگەيدە قالىپ وتىر — ورتا ەسەپپەن 2 پايىز.
جەكەلەگەن قالالاردا باعا ٶسٸمٸ 8 پايىزدان اسقان. ال الماتىدا كەرٸسٸنشە, جىلدىڭ العاشقى سەگٸز ايىندا پەتەر باعاسى 1,4 پايىزعا تٶمەندەگەن.
