Balany urǵan adamnyń isi adam óltirý babyna aýystyryldy, dep habarlaidy "Ult aqparat".
Almaty politsiiasynyń habarlaýynsha, qazir kúdikti qamaýda otyr.
«Qazirgi tańda oǵan qatysty qylmystyq is QR QK 106-babynan 99-babyna aýystyryldy. Bul jantúrshigerlik oqiǵa 23 qyrkúiekte bolǵan. Politsiiaǵa 16:00-de aýrýhanadan habarlama tústi. Er adam oqiǵanyń izi sýymai ustaldy», - dedi Almaty politsiiasynan.
Al ógei ákesinen taiaq jegen bala esin jimastan aýrýhanada kóz jumdy.
«2 jastaǵy bala tym aýyr jaraqat alýyna bailanysty jansaqtaý bóliminde qaitys boldy», - dedi qalalyq Qoǵamdyq densaýlyq basqarmasynyń baspasóz qyzmetinen.
Politsiia eń aldymen balanyń 34 jastaǵy ógei ákesinen jaýap alǵan. Basynda ol bala qulap qaldy degen ýáj aitty. Keiinnen tergeý materialdarynyń nátijesinde uldy ógei ákesiniń urǵany anyqtaldy. Belgili bolǵandai, balanyń anasy ol kezde jumysta júrgen. Jylaǵan balany jubata almaǵan ógei ákesi uryp-soqqan.
Erli-zaiyptylar azamattyq nekede turǵan. Osydan 1,5 ai buryn Almaty oblysynan qalaǵa kóship kelip, «Kókqainar» shaǵynaýdanynda turyp jatqan.
