بالانى ۇرعان ادامنىڭ ٸسٸ ادام ٶلتٸرۋ بابىنا اۋىستىرىلدى, دەپ حابارلايدى "ۇلت اقپارات".
الماتى پوليتسيياسىنىڭ حابارلاۋىنشا, قازٸر كٷدٸكتٸ قاماۋدا وتىر.
«قازٸرگٸ تاڭدا وعان قاتىستى قىلمىستىق ٸس قر قك 106-بابىنان 99-بابىنا اۋىستىرىلدى. بۇل جانتٷرشٸگەرلٸك وقيعا 23 قىركٷيەكتە بولعان. پوليتسيياعا 16:00-دە اۋرۋحانادان حابارلاما تٷستٸ. ەر ادام وقيعانىڭ ٸزٸ سۋىماي ۇستالدى», - دەدٸ الماتى پوليتسيياسىنان.
ال ٶگەي ەكەسٸنەن تاياق جەگەن بالا ەسٸن جيماستان اۋرۋحانادا كٶز جۇمدى.
«2 جاستاعى بالا تىم اۋىر جاراقات الۋىنا بايلانىستى جانساقتاۋ بٶلٸمٸندە قايتىس بولدى», - دەدٸ قالالىق قوعامدىق دەنساۋلىق باسقارماسىنىڭ باسپاسٶز قىزمەتٸنەن.
پوليتسييا ەڭ الدىمەن بالانىڭ 34 جاستاعى ٶگەي ەكەسٸنەن جاۋاپ العان. باسىندا ول بالا قۇلاپ قالدى دەگەن ۋەج ايتتى. كەيٸننەن تەرگەۋ ماتەريالدارىنىڭ نەتيجەسٸندە ۇلدى ٶگەي ەكەسٸنٸڭ ۇرعانى انىقتالدى. بەلگٸلٸ بولعانداي, بالانىڭ اناسى ول كەزدە جۇمىستا جٷرگەن. جىلاعان بالانى جۇباتا الماعان ٶگەي ەكەسٸ ۇرىپ-سوققان.
ەرلٸ-زايىپتىلار ازاماتتىق نەكەدە تۇرعان. وسىدان 1,5 اي بۇرىن الماتى وبلىسىنان قالاعا كٶشٸپ كەلٸپ, «كٶكقاينار» شاعىناۋدانىندا تۇرىپ جاتقان.
