Halyqqa qyzmet kórsetý ortalyqtary qyzmetkerleri Almatydaǵy avtokólik bazarynda tamyz aiynyń sońyna deiin demalys kúnderi arnaiy qyzmet kórsetpek. Bul týraly Almatydaǵy «Azamattarǵa arnalǵan úkimet» memlekettik korporatsiiasy málim etti.
«Azamattarǵa arnalǵan úkimet» memlekettik korporatsiiasynyń mamandary «Barys» avtokólik naryǵynda qyzmet kórsetý boiynsha bastama kóterýi HQKO-nyń qyzmetin aitarlyqtai jeńildetedi.
«Tsifrly Qazaqstan» memlekettik baǵdarlamasynyń aiasynda uiymdastyrylǵan is-sharalardyń maqsaty – halyqtyń tsifrlyq saýattylyǵyn arttyrý, mamandandyrylǵan HQKO-na artylǵan júktemeni tómendetý jáne kútý zaldaryndaǵy kezekterdi azaityp halyqqa sapaly qyzmet kórsetý.
«Búgingi tańda Almaty qalasynyń avtokólik bazarynda táýligine 5 myń mashina satylady jáne satyp alynady, al olar dúisenbi kúni aǵylyp mamandandyrylǵan HQKO-na keledi. Osylaisha, lek-legimen kelgen avtokólik ieleri uzaq ýaqyt boiyna kezekte turady. Mundai jaǵdailarda keibir kásipker azamattarǵa júrgizýshi kýáligin tez arada alý, avtokólikti az ýaqyttyń ishinde qaita rásimdeý siiaqty qyzmetterdi usynatyn kómekshi qyzmetkerlerge tap bolady. Osyndai keleńsizdikke jol bermeý úshin avtokólik bazarynda qyzmet kórsetý sektoryn ashtyq. Eger bul bastama oń nátije berse, onda bizdiń mamandar demalys kúnderi osylai jumys jasaýdy jalǵastyrady», – deidi Almaty qalasy boiynsha «Azamattarǵa arnalǵan úkimet» memlekettik korporatsiiasynyń PR-menedjeri Jańyl Apetova.
«Barys» avtokólik bazaryndaǵy HQKO-nyń mamandary avtokólik ielerine elektrondy kiltti óz betinshe alýdy, elektrondy úkimet portalynyń jumysy týraly jáne úiden shyqpai-aq onlain qyzmetteri týraly biraz maǵlumat aityp berdi.
Munda atalmysh ortalyq qyzmetkerleri avtokólik ielerine egov.kz portaly arqyly memlekettik qyzmetterdi qalai alýǵa bolatynyn, ETsK alýdy, uialy úkimetpen tirkelýdi, olardyń aiyppuldaryn jáne salyqtaryn qaraýdy jáne tóleýdi úiretti. Sondai-aq, avtokólik ieleri «Kólik quraldaryn onlain tirkeý» jáne «Kólik júrgizýshi kýálikterin berý» memlekettik qyzmet alý protsesimen tanysty.
Eske sala ketelik, mamandandyrylǵan HQKO – bir tereze qaǵidaty boiynsha halyqqa júrgizýshi kýáligin berý jáne avtokólik quralyn tirkeý boiynsha memlekettik qyzmetterdi kórsetetin mekeme. Alǵash ret mamandyrylǵan HQKO 2012 jylǵy jeltoqsan aiynda Qaraǵandy qalasynda pilottyq rejimde iske qosyldy. Jobany sátti iske asyrý nátijesinde Elbasy Nursultan Nazarbaev bul tájiribeni elimizdiń barlyq aýqymynda júzege asyrýdy tapsyrdy.
