حالىققا قىزمەت كٶرسەتۋ ورتالىقتارى قىزمەتكەرلەرٸ الماتىداعى اۆتوكٶلٸك بازارىندا تامىز ايىنىڭ سوڭىنا دەيٸن دەمالىس كٷندەرٸ ارنايى قىزمەت كٶرسەتپەك. بۇل تۋرالى الماتىداعى «ازاماتتارعا ارنالعان ٷكٸمەت» مەملەكەتتٸك كورپوراتسيياسى مەلٸم ەتتٸ.
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ ماماندارى «بارىس» اۆتوكٶلٸك نارىعىندا قىزمەت كٶرسەتۋ بويىنشا باستاما كٶتەرۋٸ حقكو-نىڭ قىزمەتٸن ايتارلىقتاي جەڭٸلدەتەدٸ.
«تسيفرلى قازاقستان» مەملەكەتتٸك باعدارلاماسىنىڭ اياسىندا ۇيىمداستىرىلعان ٸس-شارالاردىڭ ماقساتى – حالىقتىڭ تسيفرلىق ساۋاتتىلىعىن ارتتىرۋ, مامانداندىرىلعان حقكو-نا ارتىلعان جٷكتەمەنٸ تٶمەندەتۋ جەنە كٷتۋ زالدارىنداعى كەزەكتەردٸ ازايتىپ حالىققا ساپالى قىزمەت كٶرسەتۋ.
«بٷگٸنگٸ تاڭدا الماتى قالاسىنىڭ اۆتوكٶلٸك بازارىندا تەۋلٸگٸنە 5 مىڭ ماشينا ساتىلادى جەنە ساتىپ الىنادى, ال ولار دٷيسەنبٸ كٷنٸ اعىلىپ مامانداندىرىلعان حقكو-نا كەلەدٸ. وسىلايشا, لەك-لەگٸمەن كەلگەن اۆتوكٶلٸك يەلەرٸ ۇزاق ۋاقىت بويىنا كەزەكتە تۇرادى. مۇنداي جاعدايلاردا كەيبٸر كەسٸپكەر ازاماتتارعا جٷرگٸزۋشٸ كۋەلٸگٸن تەز ارادا الۋ, اۆتوكٶلٸكتٸ از ۋاقىتتىڭ ٸشٸندە قايتا رەسٸمدەۋ سيياقتى قىزمەتتەردٸ ۇسىناتىن كٶمەكشٸ قىزمەتكەرلەرگە تاپ بولادى. وسىنداي كەلەڭسٸزدٸككە جول بەرمەۋ ٷشٸن اۆتوكٶلٸك بازارىندا قىزمەت كٶرسەتۋ سەكتورىن اشتىق. ەگەر بۇل باستاما وڭ نەتيجە بەرسە, وندا بٸزدٸڭ ماماندار دەمالىس كٷندەرٸ وسىلاي جۇمىس جاساۋدى جالعاستىرادى», – دەيدٸ الماتى قالاسى بويىنشا «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ PR-مەنەدجەرٸ جاڭىل اپەتوۆا.
«بارىس» اۆتوكٶلٸك بازارىنداعى حقكو-نىڭ ماماندارى اۆتوكٶلٸك يەلەرٸنە ەلەكتروندى كٸلتتٸ ٶز بەتٸنشە الۋدى, ەلەكتروندى ٷكٸمەت پورتالىنىڭ جۇمىسى تۋرالى جەنە ٷيدەن شىقپاي-اق ونلاين قىزمەتتەرٸ تۋرالى بٸراز ماعلۇمات ايتىپ بەردٸ.
مۇندا اتالمىش ورتالىق قىزمەتكەرلەرٸ اۆتوكٶلٸك يەلەرٸنە egov.kz پورتالى ارقىلى مەملەكەتتٸك قىزمەتتەردٸ قالاي الۋعا بولاتىنىن, ەتسك الۋدى, ۇيالى ٷكٸمەتپەن تٸركەلۋدٸ, ولاردىڭ ايىپپۇلدارىن جەنە سالىقتارىن قاراۋدى جەنە تٶلەۋدٸ ٷيرەتتٸ. سونداي-اق, اۆتوكٶلٸك يەلەرٸ «كٶلٸك قۇرالدارىن ونلاين تٸركەۋ» جەنە «كٶلٸك جٷرگٸزۋشٸ كۋەلٸكتەرٸن بەرۋ» مەملەكەتتٸك قىزمەت الۋ پروتسەسٸمەن تانىستى.
ەسكە سالا كەتەلٸك, مامانداندىرىلعان حقكو – بٸر تەرەزە قاعيداتى بويىنشا حالىققا جٷرگٸزۋشٸ كۋەلٸگٸن بەرۋ جەنە اۆتوكٶلٸك قۇرالىن تٸركەۋ بويىنشا مەملەكەتتٸك قىزمەتتەردٸ كٶرسەتەتٸن مەكەمە. العاش رەت ماماندىرىلعان حقكو 2012 جىلعى جەلتوقسان ايىندا قاراعاندى قالاسىندا پيلوتتىق رەجيمدە ٸسكە قوسىلدى. جوبانى سەتتٸ ٸسكە اسىرۋ نەتيجەسٸندە ەلباسى نۇرسۇلتان نازارباەۆ بۇل تەجٸريبەنٸ ەلٸمٸزدٸڭ بارلىق اۋقىمىندا جٷزەگە اسىرۋدى تاپسىردى.
