Almatydaǵy avtobýsta kútpegen jait boldy: ákesimen otyrǵan bala ońbai jaraqattanǵan. Bul týraly balanyń anasy Karina Al-Kassas aityp berdi, - dep habarlaidy Tengrinews.kz agenttigi.
Oqiǵa 2 qazanda keshki ýaqytta № 37 avtobýsta bolǵan.
"Tóle bi - Rozybakiev kósheleriniń qiylysynda kúieýim balalarmen № 37 avtobýspen kele jatqan. Saǵat 17.50 shamasynda Tóle bi - Abdýllinder qiylysynda avtobýs kenet toqtap, balam basyn uryp alǵan. Saldarynan balam qatty jaraqat aldy. Soqqy qatty bolǵany sonshalyq, ol qan-josa bolyp ketken", - deidi almatylyq áiel.
Onyń sózinshe, júrgizýshi bul jaitqa mán bermei, júre bergen.
"Kúieýim avtobýsty toqtatýyn suraǵan kezde júrgizýshi toqtady. Kúieýim balalarmen túsip qalǵan, avtobýs júrip ketken. Qasyndaǵy adamdar jedel járdem shaqyryp, kómektesken. Artynsha, Manas kóshesindegi balalar aýrýhanasyna barǵan. Ókinishke qarai, kúieýim avtobýs nómirin baiqamaǵan", - deidi áiel.
Almaty politsiiasy bul oqiǵaǵa qatysty pikir bildirdi.
"Bul derek ákimshilik tájiribe óndirisinde. Avtobýs júrgizýshisi anyqtaldy, ol - 1990 jyly týǵan K. esimdi er adam. Júrgizýshige qatysty 2 ákimshilik hattama toltyryldy. Odan bólek, balaǵa keltirilgen ziiandy anyqtaý maqsatynda sot-meditsinalyq saraptama taǵaiyndaldy", - dedi Almatynyń Medeý aýdandyq Politsiia basqarmasy ókilderi.
