الماتىداعى اۆتوبۋستا كٷتپەگەن جايت بولدى: ەكەسٸمەن وتىرعان بالا وڭباي جاراقاتتانعان. بۇل تۋرالى بالانىڭ اناسى كارينا ال-كاسساس ايتىپ بەردٸ, - دەپ حابارلايدى Tengrinews.kz اگەنتتٸگٸ.
وقيعا 2 قازاندا كەشكٸ ۋاقىتتا № 37 اۆتوبۋستا بولعان.
"تٶلە بي - روزىباكيەۆ كٶشەلەرٸنٸڭ قيىلىسىندا كٷيەۋٸم بالالارمەن № 37 اۆتوبۋسپەن كەلە جاتقان. ساعات 17.50 شاماسىندا تٶلە بي - ابدۋلليندەر قيىلىسىندا اۆتوبۋس كەنەت توقتاپ, بالام باسىن ۇرىپ العان. سالدارىنان بالام قاتتى جاراقات الدى. سوققى قاتتى بولعانى سونشالىق, ول قان-جوسا بولىپ كەتكەن", - دەيدٸ الماتىلىق ەيەل.
ونىڭ سٶزٸنشە, جٷرگٸزۋشٸ بۇل جايتقا مەن بەرمەي, جٷرە بەرگەن.
"كٷيەۋٸم اۆتوبۋستى توقتاتۋىن سۇراعان كەزدە جٷرگٸزۋشٸ توقتادى. كٷيەۋٸم بالالارمەن تٷسٸپ قالعان, اۆتوبۋس جٷرٸپ كەتكەن. قاسىنداعى ادامدار جەدەل جەردەم شاقىرىپ, كٶمەكتەسكەن. ارتىنشا, ماناس كٶشەسٸندەگٸ بالالار اۋرۋحاناسىنا بارعان. ٶكٸنٸشكە قاراي, كٷيەۋٸم اۆتوبۋس نٶمٸرٸن بايقاماعان", - دەيدٸ ەيەل.
الماتى پوليتسيياسى بۇل وقيعاعا قاتىستى پٸكٸر بٸلدٸردٸ.
"بۇل دەرەك ەكٸمشٸلٸك تەجٸريبە ٶندٸرٸسٸندە. اۆتوبۋس جٷرگٸزۋشٸسٸ انىقتالدى, ول - 1990 جىلى تۋعان ك. ەسٸمدٸ ەر ادام. جٷرگٸزۋشٸگە قاتىستى 2 ەكٸمشٸلٸك حاتتاما تولتىرىلدى. ودان بٶلەك, بالاعا كەلتٸرٸلگەن زيياندى انىقتاۋ ماقساتىندا سوت-مەديتسينالىق ساراپتاما تاعايىندالدى", - دەدٸ الماتىنىڭ مەدەۋ اۋداندىق پوليتسييا باسقارماسى ٶكٸلدەرٸ.
