Foto: Pixabay.com
Bul oqiǵa Naýryzbai aýdanynda, Nef Uptown turǵyn úi kesheninde boldy. Bizdiń málimetimiz boiynsha, qylmysker turǵyn úi kesheniniń aýmaǵyna ózin elektrik retinde tanystyryp kirgen. Sodan keiin bir páterge enip, úide bolǵan erli-zaiyptylarǵa jaýyngerlik tapanshadan oq atqan. Bul týraly ORDA telegram arnasy habarlaidy.
Ekeýi de aýyr jaraqat alǵan: áiel keýde tusynan jaralanyp, qoly synǵan; al er adam óte aýyr jaǵdaida. Ol bes saǵattyq operatsiiadan keiin ǵana esin jidy. Erli-zaiyptylar qazir aýrýhanada.
Tergeý boljamy boiynsha shabýyldyń maqsaty – tonaý. Qylmysker politsiia kelgenshe qashyp úlgergen, ony tabý qiynǵa soǵýy múmkin. "Elitalyq" dep jarnamalanǵan turǵyn úi kesheninde ýáde etilgen beinebaqylaý kameralary joq. Bul týraly turǵyndar burynnan shaǵymdanyp kelgen.
Qylmysker qarýmen úige ońai kirip ketkenine qaraǵanda, kúzet qyzmetiniń de sapasy kúmán týdyrady.
Qylmystyq is qozǵaldy, tergeý jumystary bastaldy.
«Qylmysty ashýǵa baǵyttalǵan keshendi jedel-izdestirý is-sharalary júrgizilýde», – dep habarlady Almaty politsiiasy.
Zardap shekken erli-zaiyptylardyń jasy shamamen qyryqta. Er adam saqtandyrý kompaniiasynda jumys isteidi, al áieli balalarynyń sporttyq mansabymen ainalysady. Abyroi bolǵanda, shabýyl kezinde balalar úide bolmaǵan.
Joǵaryda aitylǵandardyń barlyǵyn qoryta kele, Almatyda qaýipti qylmysker qarýmen erkin júr, jáne ol tonaý úshin qarýyn qoldanýdan tartynbaityny anyq.
