فوتو: Pixabay.com
بۇل وقيعا ناۋرىزباي اۋدانىندا, Nef Uptown تۇرعىن ٷي كەشەنٸندە بولدى. بٸزدٸڭ مەلٸمەتٸمٸز بويىنشا, قىلمىسكەر تۇرعىن ٷي كەشەنٸنٸڭ اۋماعىنا ٶزٸن ەلەكتريك رەتٸندە تانىستىرىپ كٸرگەن. سودان كەيٸن بٸر پەتەرگە ەنٸپ, ٷيدە بولعان ەرلٸ-زايىپتىلارعا جاۋىنگەرلٸك تاپانشادان وق اتقان. بۇل تۋرالى ORDA تەلەگرام ارناسى حابارلايدى.
ەكەۋٸ دە اۋىر جاراقات العان: ەيەل كەۋدە تۇسىنان جارالانىپ, قولى سىنعان; ال ەر ادام ٶتە اۋىر جاعدايدا. ول بەس ساعاتتىق وپەراتسييادان كەيٸن عانا ەسٸن جيدى. ەرلٸ-زايىپتىلار قازٸر اۋرۋحانادا.
تەرگەۋ بولجامى بويىنشا شابۋىلدىڭ ماقساتى – توناۋ. قىلمىسكەر پوليتسييا كەلگەنشە قاشىپ ٷلگەرگەن, ونى تابۋ قيىنعا سوعۋى مٷمكٸن. "ەليتالىق" دەپ جارنامالانعان تۇرعىن ٷي كەشەنٸندە ۋەدە ەتٸلگەن بەينەباقىلاۋ كامەرالارى جوق. بۇل تۋرالى تۇرعىندار بۇرىننان شاعىمدانىپ كەلگەن.
قىلمىسكەر قارۋمەن ٷيگە وڭاي كٸرٸپ كەتكەنٸنە قاراعاندا, كٷزەت قىزمەتٸنٸڭ دە ساپاسى كٷمەن تۋدىرادى.
قىلمىستىق ٸس قوزعالدى, تەرگەۋ جۇمىستارى باستالدى.
«قىلمىستى اشۋعا باعىتتالعان كەشەندٸ جەدەل-ٸزدەستٸرۋ ٸس-شارالارى جٷرگٸزٸلۋدە», – دەپ حابارلادى الماتى پوليتسيياسى.
زارداپ شەككەن ەرلٸ-زايىپتىلاردىڭ جاسى شامامەن قىرىقتا. ەر ادام ساقتاندىرۋ كومپانيياسىندا جۇمىس ٸستەيدٸ, ال ەيەلٸ بالالارىنىڭ سپورتتىق مانسابىمەن اينالىسادى. ابىروي بولعاندا, شابۋىل كەزٸندە بالالار ٷيدە بولماعان.
جوعارىدا ايتىلعانداردىڭ بارلىعىن قورىتا كەلە, الماتىدا قاۋٸپتٸ قىلمىسكەر قارۋمەن ەركٸن جٷر, جەنە ول توناۋ ٷشٸن قارۋىن قولدانۋدان تارتىنبايتىنى انىق.
