"QazAvtoJol" UK" AQ ókilderi Almatydaǵy "Altyn Orda" bazary mańyndaǵy joldyń qashan qaita jóndeletinin aitty. Olardyń aitýynsha, jóndeý jumystary cáýir-maýsym ailarynda bastalady. Bul týraly kompaniianyń kaz.tengrinews.kz tilshisiniń joldaǵan resmi saýalyna bergen jaýabynda aitylady.
QR premer-ministriniń birinshi orynbasarynyń tapsyrysyna sáikes, 2016 jyldyń IV toqsanynda respýblikalyq biýdjet esebinen "Altyn Orda" bazary mańyndaǵy 4 shaqyrymǵa sozylǵan "Almaty-Bishkek" aavtojolyn jobalaý jumystarynyń bastalǵany aitylady. Jobadaǵy tehnikalyq tapsyrmalarda joldy barlyq baǵyt boiynsha on jolaqty etý máselesi qarastyrylǵan. Tórt jolaq turǵan jerde tranzittik kólikter, taǵy tórt jolaq jergilikti kólikter úshin jáne eki jolaq qoǵamdyq kólikter úshin bolatyny aitylady. Kompaniiadaǵylardyń aitýynsha, bul jolaqtar qoǵamdyq kólikterdiń qozǵalysyna kedergi keltirmeýge septigin tigizedi.
"Tranzittik kólikterdiń qozǵalysy arnaiy betonmen qorshalǵan aýmaqtarda júredi. Al jergilikti kólikter men qoǵamdyq kólikterdiń qozǵalysy bólek turǵan jolaqtarda júredi", - dedi kompaniiadaǵylar.
Sondai-aq, bul jobada "Altyn Orda" bazary, Aport Mall saýda ortalyǵy men "Asyl Arman" turǵyn úi keshenine kelýsheler men ondaǵy turǵyndar úshin úsh jer ústi jaiaý ótkelin salý máselesi qarastyrylǵan.
Eske sala keteiik, osyǵan deiin Almatyda "Altyn Orda" bazarynyń aldyndaǵy joldy keńeitý úshin saýda oryndarynyń súriletini jaily aitylǵan bolatyn. Al "Qazavtojol" AQ ókilderi Almaty-Bishkek avtojolynyń 16-20 shaqyrymynda únemi bolatyn kepteliske qatysty máseleni sheshý úshin "Altyn Orda" men "Barlyq" saýda ortalyqtary mańyndaǵy joldarǵa arnaiy joba daiyndalǵanyn aitty.
Al keiinirek "Altyn Orda" bazarynyń mańyndaǵy joldyń alty jolaqty bolatyny habarlanǵan edi.
