©ktk.kz
Almatydaǵy Alatau City turǵyn úi kesheninde bolǵan oqiǵanyń mán-jaiyn kýágerler aityp berdi. Onda bir kún buryn qarýlanǵan er adam atys uiymdastyrǵan, - dep habarlaidy Tengrinews.kz tilshisi "KTK" telearnasyna silteme jasap.
"Biz qatty dybysty estidik. Basynda bireý petard atyp jatqandai boldy. Sosyn kóshedegi adamdar shýlai bastady. Qarý atyp jatqanyn túsindim, terezeden qarasam, adam kóp eken", - dep eske alady Ardaq Ermekov.
"Saǵat 22.00 shamasynda dúkennen qaityp kele jatqanymda, oryndyqta otyrǵan adamdy baiqadym, biraq kózim nashar kóretindikten qolyndaǵy qarýdy kórmedim. Úi tabaldyryǵyn attaǵan sátte, atys estildi. Balkonnan myltyq ustaǵan sol kisini kórdim. Páterde balalarym boldy, bári qatty qoryqty. Biz edenge jatyp, oq atqan adamdy ustaǵanǵa deiin eki saǵattan asa ýaqyt turmadyq. Balalar jan ushyra jylap jatty", - deidi Nurjamal Sháýkerova.
Kórshilerdiń aitýynsha, qolynda qarýy bar er adam podezden shyǵyp, kólik turaǵyn jaǵalap ketken. Bir-eki minýttan keiin oq atqan. Ol eki ret oq atty: biri aýaǵa, ekinshisi beinebaqylaý kamerasyna. Atystan keiin kúdikti taǵy úsh saǵattai aýlada bolǵan, sodan keiin ustalǵan.
Tergeýshiler kúdiktini anyqtap úlgerdi. Ol 37 jastaǵy Almaty turǵyny bolyp shyqty. Politsiia málimetinshe, er adam áielimen janjaldan keiin qolyna qarý alǵan.
