Almatyda jylý energiiasynyń tarifi ózgerissiz qaldy. Bul týraly Tabiǵi monopoliialardy retteý komiteti Almaty qalasy boiynsha departamenti basshysynyń mindetin atqarýshy Timýr Qalenov onlain brifingide málim etti, dep habarlaidy "Ult aqparat".
Onyń aitýynsha, 2021 jylǵy 1 qańtardan bastap jylýmen jabdyqtaýǵa arnalǵan tariftiń josparly 14% - ǵa ósýi kútilgen. Alaida, Memleket basshysynyń halyq úshin tarifterdiń ósýine jol bermeý týraly tapsyrmasyn oryndaý úshin energiia kózderindegi tarifter tómendetildi.
«2020 jyly halyq úshin jylý energiiasyna tarif ózgergen joq - 4294,6 teńge. Budan basqa, halyqqa arnalǵan tarifter kórsetiletin qyzmetter kóleminiń ósýine bailanysty 2020 jylǵy 1 naýryzdan bastap -2% -ǵa, sondai-aq 2020 jylǵy 1 sáýir men 31 tamyz aralyǵynda 10% -ǵa tómendedi, ásirese tótenshe jaǵdai kezinde ystyq sý tarifi tómendedi, - deidi Timýr Qalenov.
Biyl 1 aqpannan bastap halyq úshin jylýmen jabdyqtaýǵa arnalǵan tarif 3%-ǵa azaiady. Sonyń arqasyn 552 mln teńge únemdeledi.
Sonymen qatar, ol departament 2020-2024 jyldarǵa arnalǵan sýmen jabdyqtaý jáne sý burý qyzmetterine tariftiń shekti deńgeiin bekitkenin jetkizdi.
«Soǵan sáikes sýmen jabdyqtaý qyzmetteri boiynsha halyq úshin tarif 44,65 teńge/m3 kezinde 4% -ǵa 42,86 teńge/m3 deiin, sý burý qyzmetteri boiynsha tarif 23,14 teńge/m3 mólsherinde 0,1% -ǵa 23,12 teńge/m3 deiin tómendedi. Sonymen qatar, 2020 jylǵy 1 sáýir men 31 tamyz aralyǵynda sýmen jabdyqtaý jáne sý burý tarifteri tótenshe jaǵdai kezinde 10% -ǵa azaidy», - dedi ol.
