Foto: Polisia.kz
Kólik politseileri júk vagondarynan turmystyq tehnika urlaǵan bir top adamdy ustady, – dep habarlaidy Polisia.kz.
Almaty 1 stantsiiasyndaǵy jelilik politsiia basqarmasynyń qyzmetkerleri jedel-izdestirý is-sharalaryn júrgizý barysynda Almaty oblysynyń eki turǵynyn ustaǵan. Bul jóninde kóliktegi politsiia departametiniń bastyǵy Baqytjan Malybaev habarlady.
"Kúdiktilerdiń, aldyn ala sóz bailasý arqyly Jetigen stantsiiasynda QHR – Almaty baǵyty boiynsha qatynaityn júk vagondarynan birneshe ret turmystyq tehnikalardy urlaǵandary anyqtaldy (akvariýmǵa arnalǵan jabdyq – 43 dana, 14 konditsioner, 114 sý jylytqysh, 63 elektr plita)", - dep málimdedi Malybaev.
Qasaqana jasalǵan qylmystyq áreketterdiń saldarynan jekemenshik kompaniialarǵa 9 mln teńgeden astam somaǵa materialdyq zalal keltirilgen. Kólik politseileriniń jedel ári úilesimdi júrgizgen is-sharalarynyń arqasynda jábirlenýshilerge keltirilgen zalal tolyq kólemde ótelgen.
Sondai-aq vedomstvo basshysynyń aitýynsha, qazirgi ýaqytta atalǵan faktige qatysty Almaty 1 stantsiiasyndaǵy JPB qyzmetkerlerimen Qylmystyk kodekstiń 188-babynyń 3-bóligi 3-tarmaǵy boiynsha sotqa deiingi tergeý júrgizilip jatyr.
QR QK-niń 188-baby 3-bóliginiń 3-tarmaǵynda múlkin tárkilep, eki jyldan jeti jylǵa deiingi merzimge bas bostandyǵyn shekteý, ne sol merzimge bas bostandyǵynan aiyrý qarastyrylǵan.
