Almaty dárigerleri jolǵa júgirip shyǵyp kólik astyna túsip qalǵan balanyń densaýlyǵy týraly aitty, dep habarlaidy "Ult aqparat".
Almaty qalalyq Qoǵamdyq densaýlyq basqarmasynyń habarlaýynsha, bala kólik qaqqan kezde esinen tanyp qalǵan.
«2015 jyly týǵan bala jol apatynan ushyrap 24 qazanda aýrýhanaǵa jetkizildi. Soqqy bolǵan kezde bala esinen tanyp qalǵan. Sony eskere otyryp balany anesteziia, jan saqtaý bólimine jatqyzdyq. Qazir jaǵdaiy qanaǵattanarlyq. Bólimshege aýysty»,- dedi basqarmadan.
Aita keteiik, jol apaty senbi kúni Túrksib aýdanynda bolǵan. Jol shetinde turǵan bala anasynan sytylyp shyǵyp, qara jolǵa júgirip ketkende ony kólik qaǵyp ketti.
