Almatyda Rysqulov pen Jansúgirov kósheleriniń qiylysynda ystyq sý qubyry jaryldy, dep habarlaidy QazAqparat.
«Aldyn ala málimet boiynsha, búgin tańerteń T. Rysqulov dańǵyly men I. Jansúgirov kóshesiniń qiylysyna jaqyn jerdegi ýchaskede jylý magistrali jaryldy. Apat bolǵan jerde «Almaty jylý jelileri» JShS jedel toby jumys istep jatyr», - dep habarlady kompaniiadan.
Tutynýshylardy ystyq sýmen qamtamasyz etý jedel qalpyna keltirildi. Zardap shekkender joq.
Almaty qalalyq politsiia departamenti júrgizýshilerge apat bolǵan kósheni ainalyp ótýge keńes berdi.
«Jylý trassasynyń jarylýyna bailanysty, T. Rysqulov dańǵyly boiymen batys baǵytta I. Jansúgirov kóshesinen Rozovaia kóshesine deiin kólik qozǵalysy jabyldy. Shekteý jol qalpyna kelgenshe kúshinde bolady. Qozǵalysqa qatysýshylardy aldyn ala baǵdaryn túzetip, jol qozǵalysy erejelerin qatań saqtaýǵa shaqyramyz», - dep habarlady politsiiadan.
