الماتىدا رىسقۇلوۆ پەن جانسٷگٸروۆ كٶشەلەرٸنٸڭ قيىلىسىندا ىستىق سۋ قۇبىرى جارىلدى, دەپ حابارلايدى قازاقپارات.
«الدىن الا مەلٸمەت بويىنشا, بٷگٸن تاڭەرتەڭ ت. رىسقۇلوۆ داڭعىلى مەن ٸ. جانسٷگٸروۆ كٶشەسٸنٸڭ قيىلىسىنا جاقىن جەردەگٸ ۋچاسكەدە جىلۋ ماگيسترالٸ جارىلدى. اپات بولعان جەردە «الماتى جىلۋ جەلٸلەرٸ» جشس جەدەل توبى جۇمىس ٸستەپ جاتىر», - دەپ حابارلادى كومپانييادان.
تۇتىنۋشىلاردى ىستىق سۋمەن قامتاماسىز ەتۋ جەدەل قالپىنا كەلتٸرٸلدٸ. زارداپ شەككەندەر جوق.
الماتى قالالىق پوليتسييا دەپارتامەنتٸ جٷرگٸزۋشٸلەرگە اپات بولعان كٶشەنٸ اينالىپ ٶتۋگە كەڭەس بەردٸ.
«جىلۋ تراسساسىنىڭ جارىلۋىنا بايلانىستى, ت. رىسقۇلوۆ داڭعىلى بويىمەن باتىس باعىتتا ٸ. جانسٷگٸروۆ كٶشەسٸنەن روزوۆايا كٶشەسٸنە دەيٸن كٶلٸك قوزعالىسى جابىلدى. شەكتەۋ جول قالپىنا كەلگەنشە كٷشٸندە بولادى. قوزعالىسقا قاتىسۋشىلاردى الدىن الا باعدارىن تٷزەتٸپ, جول قوزعالىسى ەرەجەلەرٸن قاتاڭ ساقتاۋعا شاقىرامىز», - دەپ حابارلادى پوليتسييادان.
