Almatyda kólik júrgizýshileriniń arasyndaǵy janjal tóbeleske ulasty. Oqiǵany jábirlenýshi tarap videoǵa túsirip alǵan.
Jelide taraǵan videodan er adamnyń "Kobalt" kóliginiń júrgizýshisin uryp jatqanyn kórýge bolady. Aldymen judyryqpen urǵan ol keiin betinen tizemen tepken. Janjal jol ústinde bolǵan. Muny kórgen ózge júrgizýshiler er adamdy toqtatty.
Almaty politsiia departamentiniń baspasóz qyzmeti bul jaǵdaiǵa qatysty pikir bildirip, kúdiktiniń ustalǵanyn habarlady.
"Uryp-soǵý deregine qatysty Áýezov aýdanynyń politsiia basqarmasy qylmystyq is qozǵady. Kúdikti ustalyp, politsiiaǵa jetkizildi. Dene jaraqattarynyń deńgeiin anyqtaý úshin sot-meditsinalyq saraptama taǵaiyndaldy. Qorytyndysy boiynsha tergeý materialdary sotqa jiberiledi", – delingen habarlamada.
