الماتىدا كٶلٸك جٷرگٸزۋشٸلەرٸنٸڭ اراسىنداعى جانجال تٶبەلەسكە ۇلاستى. وقيعانى جەبٸرلەنۋشٸ تاراپ ۆيدەوعا تٷسٸرٸپ العان.
جەلٸدە تاراعان ۆيدەودان ەر ادامنىڭ "كوبالت" كٶلٸگٸنٸڭ جٷرگٸزۋشٸسٸن ۇرىپ جاتقانىن كٶرۋگە بولادى. الدىمەن جۇدىرىقپەن ۇرعان ول كەيٸن بەتٸنەن تٸزەمەن تەپكەن. جانجال جول ٷستٸندە بولعان. مۇنى كٶرگەن ٶزگە جٷرگٸزۋشٸلەر ەر ادامدى توقتاتتى.
الماتى پوليتسييا دەپارتامەنتٸنٸڭ باسپاسٶز قىزمەتٸ بۇل جاعدايعا قاتىستى پٸكٸر بٸلدٸرٸپ, كٷدٸكتٸنٸڭ ۇستالعانىن حابارلادى.
"ۇرىپ-سوعۋ دەرەگٸنە قاتىستى ەۋەزوۆ اۋدانىنىڭ پوليتسييا باسقارماسى قىلمىستىق ٸس قوزعادى. كٷدٸكتٸ ۇستالىپ, پوليتسيياعا جەتكٸزٸلدٸ. دەنە جاراقاتتارىنىڭ دەڭگەيٸن انىقتاۋ ٷشٸن سوت-مەديتسينالىق ساراپتاما تاعايىندالدى. قورىتىندىسى بويىنشا تەرگەۋ ماتەريالدارى سوتقا جٸبەرٸلەدٸ", – دەلٸنگەن حابارلامادا.
