Almatyda 2023 jyly joldar men metro salý jumystary jalǵasady, dep habarlaidy QazAqparat.
«Kelesi jyly metropoliten jelisin batys baǵytqa qarai salý jalǵasady, oǵan 12,1 mlrd teńge bólý kózdelgen. Bul 2024 jyly qalanyń batys bóligindegi 50 myńnan astam turǵyn úshin qosymsha kólik bailanysyn qamtamasyz etedi. Sondai-aq Tóle bi kóshesin uzartýǵa jalpy 11,7 mlrd teńge bólindi. Jubanov kóshesi de uzartylady. Qazir qujattar memlekettik saraptamadan ótip jatyr», - dedi Erbolat Dosaev máslihat sessiiasynda.
Budan basqa, 2 kólik jolairyǵyn aiaqtaý josparda. Atap aitar bolsaq, Buqtyrma – Qulja kúre joly, Sain – Móńke bi kósheleri. Bul jumystarǵa biýdjetten 6,2 mlrd teńge qarastyryldy.
«Kelesi jyly jol infraqurylymyna erekshe nazar aýdarylyp otyr. 200 km jolǵa ortasha jóndeý júrgiziledi, 30 km trotýar men 80 aialdama alańy salynady. Ol úshin 20,8 mlrd teńge bólindi. Nátijesinde, kelesi jyly jaqsy jáne qanaǵattanarlyq jaǵdaidaǵy joldardyń úlesi 89% jetedi», - dedi ol.
