الماتىدا 2023 جىلى جولدار مەن مەترو سالۋ جۇمىستارى جالعاسادى, دەپ حابارلايدى قازاقپارات.
«كەلەسٸ جىلى مەتروپوليتەن جەلٸسٸن باتىس باعىتقا قاراي سالۋ جالعاسادى, وعان 12,1 ملرد تەڭگە بٶلۋ كٶزدەلگەن. بۇل 2024 جىلى قالانىڭ باتىس بٶلٸگٸندەگٸ 50 مىڭنان استام تۇرعىن ٷشٸن قوسىمشا كٶلٸك بايلانىسىن قامتاماسىز ەتەدٸ. سونداي-اق تٶلە بي كٶشەسٸن ۇزارتۋعا جالپى 11,7 ملرد تەڭگە بٶلٸندٸ. جۇبانوۆ كٶشەسٸ دە ۇزارتىلادى. قازٸر قۇجاتتار مەملەكەتتٸك ساراپتامادان ٶتٸپ جاتىر», - دەدٸ ەربولات دوساەۆ مەسليحات سەسسيياسىندا.
بۇدان باسقا, 2 كٶلٸك جولايرىعىن اياقتاۋ جوسپاردا. اتاپ ايتار بولساق, بۇقتىرما – قۇلجا كٷرە جولى, ساين – مٶڭكە بي كٶشەلەرٸ. بۇل جۇمىستارعا بيۋدجەتتەن 6,2 ملرد تەڭگە قاراستىرىلدى.
«كەلەسٸ جىلى جول ينفراقۇرىلىمىنا ەرەكشە نازار اۋدارىلىپ وتىر. 200 كم جولعا ورتاشا جٶندەۋ جٷرگٸزٸلەدٸ, 30 كم تروتۋار مەن 80 ايالداما الاڭى سالىنادى. ول ٷشٸن 20,8 ملرد تەڭگە بٶلٸندٸ. نەتيجەسٸندە, كەلەسٸ جىلى جاقسى جەنە قاناعاتتانارلىق جاعدايداعى جولداردىڭ ٷلەسٸ 89% جەتەدٸ», - دەدٸ ول.
