Almatyda joldan ótip bara jatqan qyzdy avtobýs basyp ketti, dep habarlaidy "Ult aqparat".
Oqys oqiǵa 5 mamyr saǵat 11:40 shamasynda Naýai kóshesi boiynda bolǵan.
«Zhontong avtobýsynyń júrgizýshisi Naýai kóshesimen soltústik baǵytta kele jatyp, jaiaý júrginshini qaǵyp ketti. Jol-kólik oqiǵasy saldarynan zardap shekken jaiaý júrginshi №7 qalalyq klinikalyq aýrýhanaǵa jetkizildi», - dedi Almaty qalasy PD anyqtaý bóliminiń bastyǵy, politsiia maiory Oljas Sháripov.
Atalǵan derekke qatysty QR Qylmystyq kodeksiniń 345-baby, 2-bólimi boiynsha sotqa deiingi tergeý bastaldy.
