Almaty qalasynda joq páterlerdi «jalǵa bergen» alaiaq áiel ustaldy, dep habarlaidy "Ult aqparat".
Almaty qalalyq politsiia departamentiniń málimetinshe, qazirgi tańda internet-alaiaqtyqpen ainalysyp, jábirlenýshilerge jarty mln teńgege jýyq shyǵyn keltirgen áieldiń 11 faktisi dáleldendi.
Politsiia qyzmetkerleri internet keńistikte óziniń aram piǵylyn júzege asyrǵan 36 jastaǵy áieldi ustady.
Qala aýmaǵynda birneshe kúnnen beri internet-tehnologiialardy qoldaný arqyly jasalǵan qylmystar men quqyq buzýshylyqtardyń aldyn alý maqsatynda «Anti-Fraund» keń kólemdi is-sharasy júrgizilýde.
Alaida, ońai jolmen paida tapqysy keletinderdiń quryǵyna ańǵal azamattar áli de túsýde, sonyń saldarynan olar úlken kólemdegi qarajatynan aiyrylýda.
Osylaisha, 1984 jyly týǵan azamatsha internet jelisinde qala aýmaǵynda joq páterlerdi arzan baǵamen jalǵa berý týraly jarnama berip, jábirlenýshilerden elektrondyq tólem júiesi arqyly aldyn ala tólem alyp, odan ári uialy telefonyn sóndirip tastaǵan.
«Ol alaiaqtyq jolmen tapqan paidasyn óziniń jeke basynyń muqtajdyǵyna jumsaǵan. Buǵan deiin, ol osyǵan uqsas qylmys jasaǵany úshin 2015 jyly sotty bolǵan. Alaida, ol bostandyqqa shyqqannan keiin óziniń eski ádetine qaita basqan», – deidi Almaly aýdandyq politsiia basqarmasynyń bastyǵy Esen Ysqaqov.
Búgingi kúni kúdiktiniń 11 alaiaqtyq faktisi anyqtalyp, dáleldendi.
Jábirlenýshilerge keltirilgen shyǵynnyń jalpy somasy - 491 myń teńge. Kúdiktige qatysty QR QK 190-babynyń 3-bóligi boiynsha is qozǵaldy.
Sonymen qatar, osy áieldiń qatysýymen jasalǵan alaiaqtyqtyń basqa da epizodtaryn anyqtaý jumysy júrgizilýde.
