الماتى قالاسىندا جوق پەتەرلەردٸ «جالعا بەرگەن» الاياق ەيەل ۇستالدى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ مەلٸمەتٸنشە, قازٸرگٸ تاڭدا ينتەرنەت-الاياقتىقپەن اينالىسىپ, جەبٸرلەنۋشٸلەرگە جارتى ملن تەڭگەگە جۋىق شىعىن كەلتٸرگەن ەيەلدٸڭ 11 فاكتٸسٸ دەلەلدەندٸ.
پوليتسييا قىزمەتكەرلەرٸ ينتەرنەت كەڭٸستٸكتە ٶزٸنٸڭ ارام پيعىلىن جٷزەگە اسىرعان 36 جاستاعى ەيەلدٸ ۇستادى.
قالا اۋماعىندا بٸرنەشە كٷننەن بەرٸ ينتەرنەت-تەحنولوگييالاردى قولدانۋ ارقىلى جاسالعان قىلمىستار مەن قۇقىق بۇزۋشىلىقتاردىڭ الدىن الۋ ماقساتىندا «Anti-Fraund» كەڭ كٶلەمدٸ ٸس-شاراسى جٷرگٸزٸلۋدە.
الايدا, وڭاي جولمەن پايدا تاپقىسى كەلەتٸندەردٸڭ قۇرىعىنا اڭعال ازاماتتار ەلٸ دە تٷسۋدە, سونىڭ سالدارىنان ولار ٷلكەن كٶلەمدەگٸ قاراجاتىنان ايىرىلۋدا.
وسىلايشا, 1984 جىلى تۋعان ازاماتشا ينتەرنەت جەلٸسٸندە قالا اۋماعىندا جوق پەتەرلەردٸ ارزان باعامەن جالعا بەرۋ تۋرالى جارناما بەرٸپ, جەبٸرلەنۋشٸلەردەن ەلەكتروندىق تٶلەم جٷيەسٸ ارقىلى الدىن الا تٶلەم الىپ, ودان ەرٸ ۇيالى تەلەفونىن سٶندٸرٸپ تاستاعان.
«ول الاياقتىق جولمەن تاپقان پايداسىن ٶزٸنٸڭ جەكە باسىنىڭ مۇقتاجدىعىنا جۇمساعان. بۇعان دەيٸن, ول وسىعان ۇقساس قىلمىس جاساعانى ٷشٸن 2015 جىلى سوتتى بولعان. الايدا, ول بوستاندىققا شىققاننان كەيٸن ٶزٸنٸڭ ەسكٸ ەدەتٸنە قايتا باسقان», – دەيدٸ المالى اۋداندىق پوليتسييا باسقارماسىنىڭ باستىعى ەسەن ىسقاقوۆ.
بٷگٸنگٸ كٷنٸ كٷدٸكتٸنٸڭ 11 الاياقتىق فاكتٸسٸ انىقتالىپ, دەلەلدەندٸ.
جەبٸرلەنۋشٸلەرگە كەلتٸرٸلگەن شىعىننىڭ جالپى سوماسى - 491 مىڭ تەڭگە. كٷدٸكتٸگە قاتىستى قر قك 190-بابىنىڭ 3-بٶلٸگٸ بويىنشا ٸس قوزعالدى.
سونىمەن قاتار, وسى ەيەلدٸڭ قاتىسۋىمەن جاسالعان الاياقتىقتىڭ باسقا دا ەپيزودتارىن انىقتاۋ جۇمىسى جٷرگٸزٸلۋدە.
