Almatyda joǵalyp ketken 18 jastaǵy qyzdyń anasy videohabarlama jariialady. Nazerke Áriptiń anasy qyzyn ustap otyrǵan bireýler bolsa, qaitarýyn ótindi, dep habarlaidy Ult.kz tilshisi QazAqparat agenttigine silteme jasap.
«Nazerkemdi ustap otyrǵan, qasynda qorǵap júrgender bolsa, ótinemin. Ana retinde bizge qyzymyz aman bolǵany ǵana kerek. Ótinemin, aman-esen ákep berseńizder, eshqandai jaza qoldanbaimyz. Sizder - bizdi, biz sizderdi umytamyz. Qyzym, Nazerke, botam, seni qatty jaqsy kóremin, saǵyndyq. Tezirek úige oralshy. Eger seni renjitken bolsaq, bizdi keshirshi, botam», - dedi anasy.
Aita ketý kerek, 18 jastaǵy boijetken 1,5 aidan beri úiine oralǵan joq.
Árip Nazerke sońǵy ret Tuzdybastaý aýylyndaǵy úiinen 10 shilde kúni túski 14:00-15:00 shamasynda shyǵyp ketken.
Qazirgi tańda Medeý aýdandyq IIB izdestirý jumystarymen ainalysyp jatyr.
Telefon qońyraýlary detalizatsiiasynyń málimetteri boiynsha Nazerke sońǵy ret Gýrilev 27 mekenjaiynda 40 minýttai otyrǵan.
Keiin túngi 23:00 shamasynda Aisha bibi 356 mekenjaiynda bolǵan. Atalǵan mekenjaida shaǵyn dámhana men avtojýý orny bary anyqtaldy.
Sońǵy ret Nazerkeni túngi 12:00 men 1:00 shamasynda dámhana qyzmetkerleri kórgen. Olardyń aitýynsha, qyz jylaǵan kúii jol boiyna júgirip shyqqan. Sodan beri eshkimniń kózine túspedi.
