الماتىدا جوعالىپ كەتكەن 18 جاستاعى قىزدىڭ اناسى ۆيدەوحابارلاما جارييالادى. نازەركە ەرٸپتٸڭ اناسى قىزىن ۇستاپ وتىرعان بٸرەۋلەر بولسا, قايتارۋىن ٶتٸندٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«نازەركەمدٸ ۇستاپ وتىرعان, قاسىندا قورعاپ جٷرگەندەر بولسا, ٶتٸنەمٸن. انا رەتٸندە بٸزگە قىزىمىز امان بولعانى عانا كەرەك. ٶتٸنەمٸن, امان-ەسەن ەكەپ بەرسەڭٸزدەر, ەشقانداي جازا قولدانبايمىز. سٸزدەر - بٸزدٸ, بٸز سٸزدەردٸ ۇمىتامىز. قىزىم, نازەركە, بوتام, سەنٸ قاتتى جاقسى كٶرەمٸن, ساعىندىق. تەزٸرەك ٷيگە ورالشى. ەگەر سەنٸ رەنجٸتكەن بولساق, بٸزدٸ كەشٸرشٸ, بوتام», - دەدٸ اناسى.
ايتا كەتۋ كەرەك, 18 جاستاعى بويجەتكەن 1,5 ايدان بەرٸ ٷيٸنە ورالعان جوق.
ەرٸپ نازەركە سوڭعى رەت تۇزدىباستاۋ اۋىلىنداعى ٷيٸنەن 10 شٸلدە كٷنٸ تٷسكٸ 14:00-15:00 شاماسىندا شىعىپ كەتكەن.
قازٸرگٸ تاڭدا مەدەۋ اۋداندىق ٸٸب ٸزدەستٸرۋ جۇمىستارىمەن اينالىسىپ جاتىر.
تەلەفون قوڭىراۋلارى دەتاليزاتسيياسىنىڭ مەلٸمەتتەرٸ بويىنشا نازەركە سوڭعى رەت گۋريلەۆ 27 مەكەنجايىندا 40 مينۋتتاي وتىرعان.
كەيٸن تٷنگٸ 23:00 شاماسىندا ايشا بيبٸ 356 مەكەنجايىندا بولعان. اتالعان مەكەنجايدا شاعىن دەمحانا مەن اۆتوجۋۋ ورنى بارى انىقتالدى.
سوڭعى رەت نازەركەنٸ تٷنگٸ 12:00 مەن 1:00 شاماسىندا دەمحانا قىزمەتكەرلەرٸ كٶرگەن. ولاردىڭ ايتۋىنشا, قىز جىلاعان كٷيٸ جول بويىنا جٷگٸرٸپ شىققان. سودان بەرٸ ەشكٸمنٸڭ كٶزٸنە تٷسپەدٸ.
