Foto: Polisia.kz
Almaty oblysy politseileri internet alaiaqtyq qylmystaryna qatysy bar 22 jastaǵy jigitti ustady, dep habarlaidy Ult.kz.
Belgili bolǵandai, kúdikti áleýmettik jelide jihaz qurastyrý boiynsha jalǵan paraqshalar ashyp, jábirlenýshilerdiń tapsyrysyn qabyldap, aqshalaryn iemdenip otyrǵan.
"Kúdiktiniń Túrkistan oblysy kóleminde 4 qylmystyq iske, al respýblika boiynsha 18 iske qatystylyǵy anyqtalyp otyr", - deidi politseiler.
Sondai-aq Túrkistan oblysynda politsiia 80-nen astam turǵyndy aldap, 337 million teńge shyǵyn keltirgen 34 jastaǵy kúdiktini ustady.
"Atalmysh kúdikti jábirlenýshilerge aqsha qarajattaryńyzdy kóbeitip beremin dep senimderine kirip, onlain-nesie rásimdegen. Alaiaqtyq jolmen tapqan qarajatty jeke basynyń paidasyna jaratqan. Tekserý kezinde kúdiktiniń jalpy 87 jaitqa qatystylyǵy dáleldendi. Jábirlenýshilerge keltirilgen shyǵyn kólemi 337 million teńgeden asty", - delingen habarlamada.
Kúdiktiler qazirgi ýaqytta ustalyp, tergeý jalǵasýda.
Aita ketsek, bul qylmystar “Anti-fraud” jedel-profilaktikalyq is-sharasynyń birinshi táýliginde anyqtaldy. Jalpy is-sharanyń alǵashqy táýliginde Túrkistan oblysynyń politseileri joǵarydaǵy qylmystardan bólek, buryn tirkelgen 5 qylmysty ashty. 18 dana kontrafaktilik ónimder tárkilendi.
