فوتو: Polisia.kz
الماتى وبلىسى پوليتسەيلەرٸ ينتەرنەت الاياقتىق قىلمىستارىنا قاتىسى بار 22 جاستاعى جٸگٸتتٸ ۇستادى, دەپ حابارلايدى Ult.kz.
بەلگٸلٸ بولعانداي, كٷدٸكتٸ ەلەۋمەتتٸك جەلٸدە جيھاز قۇراستىرۋ بويىنشا جالعان پاراقشالار اشىپ, جەبٸرلەنۋشٸلەردٸڭ تاپسىرىسىن قابىلداپ, اقشالارىن يەمدەنٸپ وتىرعان.
"كٷدٸكتٸنٸڭ تٷركٸستان وبلىسى كٶلەمٸندە 4 قىلمىستىق ٸسكە, ال رەسپۋبليكا بويىنشا 18 ٸسكە قاتىستىلىعى انىقتالىپ وتىر", - دەيدٸ پوليتسەيلەر.
سونداي-اق تٷركٸستان وبلىسىندا پوليتسييا 80-نەن استام تۇرعىندى الداپ, 337 ميلليون تەڭگە شىعىن كەلتٸرگەن 34 جاستاعى كٷدٸكتٸنٸ ۇستادى.
"اتالمىش كٷدٸكتٸ جەبٸرلەنۋشٸلەرگە اقشا قاراجاتتارىڭىزدى كٶبەيتٸپ بەرەمٸن دەپ سەنٸمدەرٸنە كٸرٸپ, ونلاين-نەسيە رەسٸمدەگەن. الاياقتىق جولمەن تاپقان قاراجاتتى جەكە باسىنىڭ پايداسىنا جاراتقان. تەكسەرۋ كەزٸندە كٷدٸكتٸنٸڭ جالپى 87 جايتقا قاتىستىلىعى دەلەلدەندٸ. جەبٸرلەنۋشٸلەرگە كەلتٸرٸلگەن شىعىن كٶلەمٸ 337 ميلليون تەڭگەدەن استى", - دەلٸنگەن حابارلامادا.
كٷدٸكتٸلەر قازٸرگٸ ۋاقىتتا ۇستالىپ, تەرگەۋ جالعاسۋدا.
ايتا كەتسەك, بۇل قىلمىستار “Anti-fraud” جەدەل-پروفيلاكتيكالىق ٸس-شاراسىنىڭ بٸرٸنشٸ تەۋلٸگٸندە انىقتالدى. جالپى ٸس-شارانىڭ العاشقى تەۋلٸگٸندە تٷركٸستان وبلىسىنىڭ پوليتسەيلەرٸ جوعارىداعى قىلمىستاردان بٶلەك, بۇرىن تٸركەلگەن 5 قىلمىستى اشتى. 18 دانا كونترافاكتٸلٸك ٶنٸمدەر تەركٸلەندٸ.
