Almatynyń Medeý aýdanynda kómilgen qarý-jaraqtar tabyldy, dep habarlaidy QazAqparat.
Almaty qalalyq politsiia departamentinen habarlaǵandai, Politsiia departamentiniń ekstremizmge qarsy is-qimyl basqarmasynyń qyzmetkerlerine qarý-jaraq jasyrylǵan oryn belgili boldy.
QR Ulttyq qaýipsizdik komiteti departamentiniń qyzmetkerlerimen birlesken jedel tekseris barysynda, Sahariev kóshesiniń mańynda jyraǵa qarai túserde, aǵashtardyń arasynan aq qapshyqqa salynǵan qarý-jaraq pen oq-dáriler tabyldy.
Politsiia qyzmetkerleri 12 kalibrli tegis uńǵyly 2 myltyq, 12 kalibrli tegis uńǵyly «Makarov» tapanshasy, «Fort 17T» markaly travmatikalyq tapansha, RGD – 5 granatalary, 13 dana 12 kalibrli patrondar, 9 mm patrondar – 15 dana, qýattandyrǵyshy bar «Kirisun» ratsiiasyn tárkiledi.
«Barlyq tárkilengen zattar saraptamaǵa jiberildi. Atalǵan derek Medeý aýdandyq politsiia basqarmasynda QR Qylmystyq kodeksiniń 287- babynyń 3-bóligi boiynsha tirkeldi. Barlyq tergeý áreketteri júrgizilgen soń, arsenaldyń kimdiki jáne qaidan shyqqany belgili bolady», - dep habarlady politsiiada.
