Almatyda jer silkindi, dep habarlaidy "Ult aqparat".
QR BǴM ǴK Seimologiialyq tájiribe-ádistemelik ekspeditsiiasy» memlekettik mekemesi saǵat 15:20 jerasty dúmpýlerin tirkedi.
Jer silkinisiniń oshaǵy Almaty qalasynan batysqa qarai 5 shaqyrym jerde bolǵan. Jerasty dúmpýleriniń magnitýdasy - MPV 3.7, 10 shaqyrym tereńdikten bilingen. Jer silkinisiniń energetikalyq klasy - 8,5.
Almaty turǵyndaryna jer silkinisi 2-3 ball shamasynda sezildi.
Almaty qalalyq IID Jedel basqarý ortalyǵy mamandary qalada eshbir ǵimaratqa zaqym kelmegenin, sondai-aq «Qazseldenqorǵaý» memlekettik mekemesi taýdaǵy gidrotehnikalyq qurylǵylardyń jarylmaǵanyn habarlady. Tótenshe jaǵdaidan eshkim zardap shekken joq.
Bastapqyda "Seismologiia institýty" JShS direktory Anvar Boranbaev jer silkinisiniń Almatydan 40 shaqyrym jerde bolǵanyn habarlaǵan edi.
