Almatyda jedel járdem qyzmetine júginetinder sany eki esege ósti. Bul týraly onlain brifing barysynda qalalyq jedel meditsinalyq kómek qyzmeti direktorynyń orynbasary Andrei Lojkin málim etti, dep habarlaidy "Ult aqparat".
Onyń aitýynsha, Almatyda jedel járdem qyzmetine kelip túsken qońyraýlardyń joǵary kórsetkishi shamamen bir apta buryn tirkeldi. Bir kúnde 8 myń qońyraý qabyldandy.
«Jyl basynda jedel járdem qyzmeti kúnine orta eseppen 3 200 -ge jýyq qońyraý qabyldaǵan. Qazir aýrýdyń taralý shyńy kezinde kelip túsken qońyraýlardyń sany eki esege derlik ósip, 6 400 boldy. Sońǵy kezdegi tirkelgen qońyraýlardyń eń maksimaldy kórsetkishi - táýligine 8 myń», - deidi ol.
Soynmen qatar, ol brigadalardaǵy júktemeniń óskenin aitty.
«Jedel járdem brigadasy kúnine shamamen 15 shaqyrtýǵa barady. Jyl basynda eń kóp degende 8-10 qońyraý bolǵan edi. Qońyraýlardyń kelip túsý merzimi árqily bolýyna bailanysty eń jii aralyq - saǵat 10.00 -den 15.00 -ge deiin jáne 19.00 -den 24.00 -ge deiin turǵyndardan kelip túsken qońyraýlardyń keibirine keshiktirilip qyzmet kórsetilgen kezder boldy. Árine, barlyq qońyraýlarǵa minetti túrde qyzmet kórsetiledi, biraq, eń aldymen, naýqastyń ómiri men densaýlyǵyna qaýip tónip turǵany týraly jetken aqparattarǵa shuǵyl áreket jasalyp, basymdyq beriledi», - dedi Andrei Lojkin.
