Almaty qalalyq Qoǵamdyq densaýlyq saqtaý basqarmasynyń basshysy Kamaljan Nadyrov qalada jedel-járdem qyzmetine qońyraý shalý sany eki ese artqanyn aitty, dep habarlaidy "Ult aqparat".
«Epidemiia bastalǵannan beri qalada jalpy 3 530 jaǵdai tirkeldi. 2 178 adam saýyǵyp, emdelip shyqty. Qaitys bolǵandar sany - 23. Búginde qala statsionarlarynda 1 398 naýqas em alyp jatyr. Aýyrlyq dárejesi boiynsha óte aýyr hálde 19 adam, aýyr dárejede - 173, ortasha dárejede - 1044 jáne qanaǵattanarlyq jaǵdaida 162 adam tirkelip otyr», - dedi K. Nadyrov Ortalyq kommýnikatsiialar qyzmetindegi onlain baspasóz qyzmetinde.
Osy oraida ol qala boiynsha statsionarlar men alǵashqy sanitarlyq-meditsinalyq kómek kórsetý uiymdarynda meditsinalyq kómekti uiymdastyrý jumystary tolyqqandy júrgizilip jatqanyn jetkizdi.
«Tek ótken aptada aýrýhanalarǵa jatqyzý men jedel-járdem qyzmetine qońyraý shalý sany eki ese artqan bolatyn. Naýqastar sanynyń ósýi sebebin qant diabeti, júrek aýrýlary arterialdy gipertenziia siiaqty aýrýlary bar patsientterdiń kóbeiýimen bailanysty degen qorytyndyǵa kelip otyrmyz. Sondai-aq, aýrýdyń aýyrlyǵy men patsientterdiń jas arasyndaǵy bailanys anyq baiqalady, iaǵni jai-kúii aýyr jáne óte aýyr patsientter arasynda 80 paiyzdan astamyn 60 jastan asqan adamdar quraidy», - dedi basqarma basshysy.
Taldaý nátijeleri boiynsha 20-29 jas aralyǵyndaǵy adamdar jii juqtyratynyn kórsetip otyr, olarǵa aýrýǵa shaldyǵý jaǵdailarynyń 35 paiyzy tiesili. Al 60 jastan asqan adamdar arasynda infektsiia juqtyrý kórsetkishi 8,8 paiyz deńgeiinde.
Onyń sózine qaraǵanda, jalpy dinamikada derttiń aýyr jáne óte aýyr dárejede ótip jatqan naýqastardyń kóbeiýi baiqalady.
