Almatyda jaiaý júrginshilerdiń ýaqytsha aimaqtaryn qurý máselesin aýdandyq ákimdikter men politsiia pysyqtap jatyr, dep habarlaidy "Ult aqparat".
«Almaty qalalyq Jasyl ekonomika basqarmasy aýdandyq ákimdik jáne politsiia basqarmasymen birlese otyryp, jaiaý júrginshilerge arnalǵan aimaqtarda kólik qozǵalysyna tyiym salý máselesin sheshýde. Birinshi kezeńde Almaly aýdanyndaǵy eski alańdaǵy Bógenbai batyr - Tóle bi - Qabanbai batyr kósheleriniń qiylysynda kólik qozǵalysyna tosqaýyl qoiý usynylady», - dep habarlady qalalyq Jasyl ekonomika basqarmasy.
Eske salaiyq, Baqytjan Saǵyntaev maýsym aiynda Twitter-degi paraqshasynda epidemiologiialyq jaǵdai turaqtanǵan soń ýaqytsha jaiaý júrginshi aimaqtaryn qurý jónindegi pilotty jobanyń qolǵa alynatynyn habarlaǵan bolatyn.
Birinshi kezeńde Almaly aýdanynyń bes kóshesi ár jeksenbi saiyn bir kúnge jabylady. Joba epidemiologiialyq jaǵdai turaqtanǵan soń ǵana bastalady.
Basty maqsat – kólik júktemesin azaitý. Al qalanyń basqa aýdandarynda jeksenbi kúni bir ǵana kóshe jabylady.
Bul mańyzdy iske kólik, ekologiia, ýrbanistika, qala qurylysy salalarynyń mamandary tartylady. Olar ekologiialyq ahýaldy jaqsartý boiynsha keshendi sharalardy usyný úshin qalanyń kólik júktemesin, zalaldy jáne dybystyq zattardyń taralý deńgeiin jan-jaqty zerttep, ózderiniń baǵalaryn beretin bolady.
