Almatyda jasyryn jumys istegen onlain-kazino anyqtaldy, dep habarlaidy "Ult aqparat" QR Ulttyq qaýipsizdik komitetiniń baspasóz qyzmetine silteme jasap.
«QR UQK Almaty qalasy boiynsha departamenti Almaty qalasynda jasyryn elektrondy kazinolardyń zańsyz oiyn biznesin uiymdastyrýmen ainalysqan qylmystyq top áreketiniń jolyn kesti. Jedel-izdestirý is-sharalaryn iske asyrý barysynda qala aýmaǵynda 10 mekemeden turatyn jasyryn onlain-kazino júiesiniń jumys isteitini anyqtaldy», delingen habarlamada.
Sonymen, 2020 jylǵy 6 qazanda kórsetilgen zańsyz áreketterdiń jolyn kesý nátijesinde jedel-tergeý toby bir ǵana jasyryn mekemeden
50-den astam oiyn jabdyǵyn tapty, qylmystyq áreketten alynǵan kiristiń somasy táýligine 20 mln teńgeden asqan.
«Qumar oiyndaryn uiymdastyrý jáne ótkizý úshin qylmystyq top zańsyz áreketke shamamen 50 adamdy qyzmet kórsetý personaly retinde tartqan.
Osy fakt boiynsha QR UQK Almaty qalasy boiynsha departamenti QR QK 307-babynyń 2-tarmaǵy boiynsha qylmystyq is qozǵady», delingen habarlamada.
