Foto: oblystyq PD baspasóz qyzmeti
Almatyda jas jigit kópqabatty úiden sekirip ketti. Bul aqparatty Almaty qalasynyń Politsiia departamenti rastady.
Jelidegi málimet boiynsha, 18 jastaǵy jigit Áýezov aýdanyndaǵy kópqabatty úiden sekirip, sýitsid jasaǵan.
"Osy derek boiynsha Áýezov aýdandyq PB qylmystyq is qozǵady. Oqiǵanyń sebebi men mán-jaiy anyqtalyp jatyr", - dep habarlady Almaty qalasy PD baspasóz qyzmeti.
Aita ketken jón, buǵan deiin áleýmettik jeli qoldanýshylary balalardy sýitsidke itermeleitin oiyndardyń áseri bolýy múmkin ekenin aityp, dabyl qaqqan bolatyn.
Eske salaiyq, buǵan deiin 19 jastaǵy jigit Almatydaǵy Dostyq dańǵylyndaǵy kópqabatty úiden sekirip ketkenin jazǵanbyz.
Sondai-aq ótken aptada Almatyda kópqabatty úiden qulaǵan eki jasóspirim kóz jumdy.
