Almatyda 20 jastaǵy qyzdy kólikpen qaǵyp ketý deregi boiynsha tergeý sharalary bastaldy. Jelide jol apatynyń videosy tarap jatyr, dep habarlaidy "Ult aqparat" Ishki ister ministrliginiń Telegram kanalyna silteme jasap.
"28 qyrkúiek saǵat 16:00 shamasynda Lada kóligin tizgindegen K. esimdi azamat Seifýllin dańǵylymen ońtústik baǵytta kele jatyp, dańǵyldy batys baǵytta kesip ótip bara jatqan jaiaý júrginshi, 2002 jyly týǵan azamatshany qaǵyp ketken. Jol apaty saldarynan dene jaraqatyn alǵan jaiaý júrginshi qaladaǵy aýrýhanalardyń birine jetkizildi", - dedi Almaty qalalyq Politsiia departamenti Anyqtaý basqarmasynyń bastyǵy Oljas Sháripov.
Aýdandyq bólinis boiynsha Jetisý aýdandyq politsiia basqarmasynyń qyzmetkerleri tergeý jumystaryn bastady.
