الماتىدا 20 جاستاعى قىزدى كٶلٸكپەن قاعىپ كەتۋ دەرەگٸ بويىنشا تەرگەۋ شارالارى باستالدى. جەلٸدە جول اپاتىنىڭ ۆيدەوسى تاراپ جاتىر, دەپ حابارلايدى "ۇلت اقپارات" ٸشكٸ ٸستەر مينيسترلٸگٸنٸڭ Telegram كانالىنا سٸلتەمە جاساپ.
"28 قىركٷيەك ساعات 16:00 شاماسىندا Lada كٶلٸگٸن تٸزگٸندەگەن ك. ەسٸمدٸ ازامات سەيفۋللين داڭعىلىمەن وڭتٷستٸك باعىتتا كەلە جاتىپ, داڭعىلدى باتىس باعىتتا كەسٸپ ٶتٸپ بارا جاتقان جاياۋ جٷرگٸنشٸ, 2002 جىلى تۋعان ازاماتشانى قاعىپ كەتكەن. جول اپاتى سالدارىنان دەنە جاراقاتىن العان جاياۋ جٷرگٸنشٸ قالاداعى اۋرۋحانالاردىڭ بٸرٸنە جەتكٸزٸلدٸ", - دەدٸ الماتى قالالىق پوليتسييا دەپارتامەنتٸ انىقتاۋ باسقارماسىنىڭ باستىعى ولجاس شەرٸپوۆ.
اۋداندىق بٶلٸنٸس بويىنشا جەتٸسۋ اۋداندىق پوليتسييا باسقارماسىنىڭ قىزمەتكەرلەرٸ تەرگەۋ جۇمىستارىن باستادى.
