Almaty politseileri turǵyn úidiń 20-shy qabatynan sekirmek bolǵan jas anany qutqardy, dep habarlaidy "Ult aqparat".
Almaty politsiiasynyń «102» pýltine «Manhetten» turǵyn úi kesheniniń turǵyndarynan habarlama túsken. Olar úilerdiń biriniń 20-qabatynda dálizdegi balkonnan aiaǵyn syrtqa salbyratyp otyrǵan áiel týraly aitqan. Kórsetilgen mekenjaiǵa dereý Býran-080 patrýldik toby attanǵan. Oqiǵa ornyna jetken politsiia aǵa leitenanty Saiat Bekjanov pen politsiia podpolkovnigi Nursultan Bektursyn bul aqparatty rastap, ǵimarattyń 20-qabatyna kóterilgen.
«Birden shara qoldanýǵa kóshtik. Oǵan aqyryn jaqyndadyq: áiel balkonnyń shetinde otyr eken. Janynda bala arbasy turdy, ishinde kishkentai sábi jatty. Kórshi úidiń turǵyndary áieldiń nazaryn ózderine aýdaryp, mundai sheshimnen bas tartýyn ótinip jatty. Jaǵdaidy baǵalai otyryp, júgire janyna jettik te, balkonnan ishke túsirip aldyq. Jaǵdaidy suraǵanymyzda áiel eshteńe aita almai, jylady. Men ony qushaqtap, jubatýǵa tyrysqanymda, ol qatty jylai bastady. Onyń problemasy bolǵany anyq. Eń bastysy, jas ana men onyń alty ailyq balasy qutqaryldy», - dedi Almaty qalalyq jol-patrýldik qyzmetiniń politseii Saiat Bekjanov.
Belgili bolǵandai, áieldiń jasy – 26-da, alty ailyq balasy bar, turmysqa shyqqan. Kúieýi basqa qalada jumys isteidi. Qazir politsiia jas ananyń mundai áreketke barýyna ne sebep bolǵanyn anyqtap jatyr. Sondai-aq, onymen psiholog jumys isteýde.
