Almaty ákimi Erbolat Dosaev qańtar oqiǵasy kezinde búlingen qala ákimdiginiń ǵimaratyn jóndeý jumystary qashan aiaqtalatynyn aitty, dep habarlaidy Sputnik Qazaqstan.
Dosaevtyń aitýynsha, erteń, 8 shilde jobalyq-smetalyq qujattama daiyn bolady. Ákimdik ǵimaraty súrilmeidi, qaita qalpyna keltiriledi.
"Alǵash ret biz bes almatylyq kompaniiadan konsortsiým qurdyq. Olar ǵimaratty jóndeýmen ainalysady. Meniń oiymsha, ony súrýdiń qajeti joq, ol qalpyna keltiriledi. Jumystar jyl sońyna deiin aiaqtalady dep josparlaǵan edik. Biraq jobalyq sheshimderdi qabyldaý uzaqqa sozylyp ketkendikten, jańǵyrtý jumystary bizdiń jańa jylǵa, kelesi jyly Naýryzǵa deiin aiaqtalady dep úmittenemiz", - dedi ákim ortalyq kommýnikatsiialar qyzmetinde ótken baspasóz máslihatynda.
Al jappai tártipsizdikter kezinde zaqym kelgen prezident rezidentsiiasy qazir súrilip jatyr. Ol jerde skver emes, park aimaǵy paida bolady.
