Qazaqstandyq kásipqoi boksshy Jańqosh Turarov ózine jasalǵan shabýyl jaily aityp berdi, - dep habarlaidy Tengrinews.kz tilshisi.
Almatyda bolǵan oqiǵanyń videosy Instagram jelisindegi ztb_video paraqshasynda jariialandy. "Almatydaǵy mekemelerdiń birinde qazaqstandyq boksshy Jańqosh Turarovqa shabýyl jasaldy. Belgisiz bireýler sportshylarmen janjal shyǵarǵan, keiin tapanshadan oq atqan", - delingen videonyń sipattamasynda.
Al óz kezeginde Jańqosh Turarov Tengrinews.kz tilshisine oqiǵanyń qalai bolǵanyn aityp berdi. Onyń aitýynsha, oqiǵa bir apta buryn bolǵan.
"Kelispeýshilikten bolǵan oqiǵa. Oqiǵa shamamen bir apta buryn Almatyda boldy. Eshkim zardap shekken joq. Jaǵdaiym jaqsy. Onyń qolynda qandai tapanshanyń bolǵany belgisiz. Politsiia bul ispen ainalysyp, qylmystyq is "Buzaqylyq" baby boiynsha júrgizildi. Buzaqylyq eki taraptan da boldy", - dep pikir bildirdi Jańqosh Turarov.
Aita keteiik, Jańqosh Turarov kásipqoi boksta 22 ret jeńiske jetken, onyń 15-in nokaýtpen aiaqtaǵan.
