قازاقستاندىق كەسٸپقوي بوكسشى جاڭقوش تۇراروۆ ٶزٸنە جاسالعان شابۋىل جايلى ايتىپ بەردٸ, - دەپ حابارلايدى Tengrinews.kz تٸلشٸسٸ.
الماتىدا بولعان وقيعانىڭ ۆيدەوسى Instagram جەلٸسٸندەگٸ ztb_video پاراقشاسىندا جارييالاندى. "الماتىداعى مەكەمەلەردٸڭ بٸرٸندە قازاقستاندىق بوكسشى جاڭقوش تۇراروۆقا شابۋىل جاسالدى. بەلگٸسٸز بٸرەۋلەر سپورتشىلارمەن جانجال شىعارعان, كەيٸن تاپانشادان وق اتقان", - دەلٸنگەن ۆيدەونىڭ سيپاتتاماسىندا.
ال ٶز كەزەگٸندە جاڭقوش تۇراروۆ Tengrinews.kz تٸلشٸسٸنە وقيعانىڭ قالاي بولعانىن ايتىپ بەردٸ. ونىڭ ايتۋىنشا, وقيعا بٸر اپتا بۇرىن بولعان.
"كەلٸسپەۋشٸلٸكتەن بولعان وقيعا. وقيعا شامامەن بٸر اپتا بۇرىن الماتىدا بولدى. ەشكٸم زارداپ شەككەن جوق. جاعدايىم جاقسى. ونىڭ قولىندا قانداي تاپانشانىڭ بولعانى بەلگٸسٸز. پوليتسييا بۇل ٸسپەن اينالىسىپ, قىلمىستىق ٸس "بۇزاقىلىق" بابى بويىنشا جٷرگٸزٸلدٸ. بۇزاقىلىق ەكٸ تاراپتان دا بولدى", - دەپ پٸكٸر بٸلدٸردٸ جاڭقوش تۇراروۆ.
ايتا كەتەيٸك, جاڭقوش تۇراروۆ كەسٸپقوي بوكستا 22 رەت جەڭٸسكە جەتكەن, ونىڭ 15-ٸن نوكاۋتپەن اياقتاعان.
