Qazir qoldanystaǵy karantindik talaptarǵa sáikes Almatyda Ashyq júiesine tirkelgen oryndarda jańa jyldyq keshter ótkizýge tyiym salynbaidy, alaida shekteýler bar. Bul týraly Almaty qalasy sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabylov málim etti, dep habarlaidy QazAqparat.
Onyń aitýynsha, kelýshiler men mekeme qyzmetkerleriniń Ashyq júiesinde «jasyl» statýsy bolýy shart. Sondai-aq shekteýler Almatynyń jańa jyldyq mereke qarsańynda koronavirýstyń taralýy boiynsha «jasyl», «sary», «qyzyl» aimaqta bolýyna qarai belgilenedi: «jasyl» aimaqta - tolymdylyǵy 50%-ke deiin, 100 orynnan kóp emes; «sary» aimaqta - tolymdylyǵy 50%-ke deiin, 70 orynnan kóp emes; «qyzyl» aimaqta - tolymdylyǵy 50%-ke deiin, 50 orynnan kóp emes.
«Almaty qalasynyń «jasyl» aimaqta turaqty bolýy eń aldymen megapolis turǵyndaryna bailanysty – koronavirýsqa qarsy belsendi túrde vaktsina saldyrý, maska taǵý rejimi men araqashyqtyqty saqtaý», - dedi Sádýaqas Baiǵabylov.
Onyń sózinshe, Almatyda koronavirýsqa qatysty jaǵdai nasharlasa, Ashyq júiesindegi nysandardyń jumys rejimine qatysty karantindik talaptar, sonyń ishinde jańa jyldyq otyrystar men basqa da is-sharalardy ótkizýge qatysty sharalar kúsheitiledi.
Buǵan deiin qalanyń bas sanitar dárigeri Jandarbek Bekshin Almaty koronavirýs boiynsha «jasyl» aimaqta tursa da jańa jyl keshteri men otyrystaryn ótkizýge tyiym salǵan bolatyn. Aita keteiik, Almatyda 22 qarashadan bastap karantin talaptary jeńildetildi. Qala 14 qarashada «jasyl» aimaqqa ótti.
