قازٸر قولدانىستاعى كارانتيندٸك تالاپتارعا سەيكەس الماتىدا Ashyq جٷيەسٸنە تٸركەلگەن ورىنداردا جاڭا جىلدىق كەشتەر ٶتكٸزۋگە تىيىم سالىنبايدى, الايدا شەكتەۋلەر بار. بۇل تۋرالى الماتى قالاسى سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى سەدۋاقاس بايعابىلوۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, كەلۋشٸلەر مەن مەكەمە قىزمەتكەرلەرٸنٸڭ Ashyq جٷيەسٸندە «جاسىل» ستاتۋسى بولۋى شارت. سونداي-اق شەكتەۋلەر الماتىنىڭ جاڭا جىلدىق مەرەكە قارساڭىندا كوروناۆيرۋستىڭ تارالۋى بويىنشا «جاسىل», «سارى», «قىزىل» ايماقتا بولۋىنا قاراي بەلگٸلەنەدٸ: «جاسىل» ايماقتا - تولىمدىلىعى 50%-كە دەيٸن, 100 ورىننان كٶپ ەمەس; «سارى» ايماقتا - تولىمدىلىعى 50%-كە دەيٸن, 70 ورىننان كٶپ ەمەس; «قىزىل» ايماقتا - تولىمدىلىعى 50%-كە دەيٸن, 50 ورىننان كٶپ ەمەس.
«الماتى قالاسىنىڭ «جاسىل» ايماقتا تۇراقتى بولۋى ەڭ الدىمەن مەگاپوليس تۇرعىندارىنا بايلانىستى – كوروناۆيرۋسقا قارسى بەلسەندٸ تٷردە ۆاكتسينا سالدىرۋ, ماسكا تاعۋ رەجيمٸ مەن اراقاشىقتىقتى ساقتاۋ», - دەدٸ سەدۋاقاس بايعابىلوۆ.
ونىڭ سٶزٸنشە, الماتىدا كوروناۆيرۋسقا قاتىستى جاعداي ناشارلاسا, Ashyq جٷيەسٸندەگٸ نىسانداردىڭ جۇمىس رەجيمٸنە قاتىستى كارانتيندٸك تالاپتار, سونىڭ ٸشٸندە جاڭا جىلدىق وتىرىستار مەن باسقا دا ٸس-شارالاردى ٶتكٸزۋگە قاتىستى شارالار كٷشەيتٸلەدٸ.
بۇعان دەيٸن قالانىڭ باس سانيتار دەرٸگەرٸ جانداربەك بەكشين الماتى كوروناۆيرۋس بويىنشا «جاسىل» ايماقتا تۇرسا دا جاڭا جىل كەشتەرٸ مەن وتىرىستارىن ٶتكٸزۋگە تىيىم سالعان بولاتىن. ايتا كەتەيٸك, الماتىدا 22 قاراشادان باستاپ كارانتين تالاپتارى جەڭٸلدەتٸلدٸ. قالا 14 قاراشادا «جاسىل» ايماققا ٶتتٸ.
