Qazaqstanda koronavirýs infektsiiasyn juqtyrǵandar arasynda 80 bala bar. Onyń bireýi - jańa týǵan náreste bolsa, ekeýi - jasqa tolmaǵan, dep habarlaidy "Ult aqparat".
Bul týraly QR densaýlyq saqtaý vitse-ministri Lázzat Aqtaeva Ortalyq kommýnikatsiialar qyzmetinde ótken brifingide aityp berdi.
«Bir jasqa deiingi eki bala Túrkistan oblysy men Shymkent qalasynda turady. Al jańa týǵan náreste - Almaty oblysynda tirkeldi. Bala men ana perzenthanadan shyqqan soń, birge turatyn týysynan infektsiia juqtyrǵan. Naýqaspen bailanysta bolǵandar retinde tekserýge alynyp, kishkentai shaqalaqtyń da aýrý juqtyrǵany anyqtaldy. Qazirgi ýaqytta ananyń da, balanyń da jaǵdaiy qanaǵattanarlyq», - dedi vitse-ministr.
Onyń aitýynsha, infektsiia juqtyrǵan balalardyń 80 paiyzynda, iaǵni 63 balada aýrý jeńil ótip, esh simptom bilinbedi. 17 balada dene qyzýy men belgili bir intoksikatsiia baiqalǵan.
Ázirge eki bala aýrýhanadan shyǵarylyp, úi karantininde jatyr.
