قازاقستاندا كوروناۆيرۋس ينفەكتسيياسىن جۇقتىرعاندار اراسىندا 80 بالا بار. ونىڭ بٸرەۋٸ - جاڭا تۋعان نەرەستە بولسا, ەكەۋٸ - جاسقا تولماعان, دەپ حابارلايدى "ۇلت اقپارات".
بۇل تۋرالى قر دەنساۋلىق ساقتاۋ ۆيتسە-مينيسترٸ لەززات اقتاەۆا ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىپ بەردٸ.
«بٸر جاسقا دەيٸنگٸ ەكٸ بالا تٷركٸستان وبلىسى مەن شىمكەنت قالاسىندا تۇرادى. ال جاڭا تۋعان نەرەستە - الماتى وبلىسىندا تٸركەلدٸ. بالا مەن انا پەرزەنتحانادان شىققان سوڭ, بٸرگە تۇراتىن تۋىسىنان ينفەكتسييا جۇقتىرعان. ناۋقاسپەن بايلانىستا بولعاندار رەتٸندە تەكسەرۋگە الىنىپ, كٸشكەنتاي شاقالاقتىڭ دا اۋرۋ جۇقتىرعانى انىقتالدى. قازٸرگٸ ۋاقىتتا انانىڭ دا, بالانىڭ دا جاعدايى قاناعاتتانارلىق», - دەدٸ ۆيتسە-مينيستر.
ونىڭ ايتۋىنشا, ينفەكتسييا جۇقتىرعان بالالاردىڭ 80 پايىزىندا, ياعني 63 بالادا اۋرۋ جەڭٸل ٶتٸپ, ەش سيمپتوم بٸلٸنبەدٸ. 17 بالادا دەنە قىزۋى مەن بەلگٸلٸ بٸر ينتوكسيكاتسييا بايقالعان.
ەزٸرگە ەكٸ بالا اۋرۋحانادان شىعارىلىپ, ٷي كارانتينٸندە جاتىر.
