Foto: ashyq derekkóz
Almatyda halyqaralyq deńgeidegi zamanaýi stadion boi kótermek. Qala ákimi Darhan Satybaldy jumys sapary barysynda joba barysymen tanysty, dep habarlaidy Ult.kz.
Jańa arena 35 myń kórermenge eseptelip, ÝEFA-nyń 4-sanat talaptaryna sai keledi.
Joba aiasynda jattyǵý alańdary, jankúierlerge arnalǵan demalys oryndary, zamanaýi qaýipsizdik júieleri jáne aýmaqty abattandyrý qarastyrylǵan.
Stadion Qulja men Talǵar tas joldarynyń arasynda, aýmaǵy shamamen 15 gektar jerde salynady. Bul aýmaq bolashaqta qala úshin kólik-logistikalyq habqa ainalyp, kórermender men qonaqtarǵa barynsha yńǵaily jaǵdai jasamaq.
«Prezidenttiń tapsyrmasyna sáikes jumysty jedeldetýimiz qajet. Keler jyly qurylys-montaj jumystary bastalýy tiis», – dedi Almaty ákimi Darhan Satybaldy.
Sondai-aq, 65 jyldan astam tarihy bar Ortalyq stadion saqtalyp, jeńil atletika infraqurylymy eskerile otyryp jańǵyrtylady. Ol Almaty sport tarihynyń bir bóligi bolyp qala bermek.
