فوتو: اشىق دەرەككٶز
الماتىدا حالىقارالىق دەڭگەيدەگٸ زاماناۋي ستاديون بوي كٶتەرمەك. قالا ەكٸمٸ دارحان ساتىبالدى جۇمىس ساپارى بارىسىندا جوبا بارىسىمەن تانىستى, دەپ حابارلايدى Ult.kz.
جاڭا ارەنا 35 مىڭ كٶرەرمەنگە ەسەپتەلٸپ, ۋەفا-نىڭ 4-سانات تالاپتارىنا ساي كەلەدٸ.
جوبا اياسىندا جاتتىعۋ الاڭدارى, جانكٷيەرلەرگە ارنالعان دەمالىس ورىندارى, زاماناۋي قاۋٸپسٸزدٸك جٷيەلەرٸ جەنە اۋماقتى اباتتاندىرۋ قاراستىرىلعان.
ستاديون قۇلجا مەن تالعار تاس جولدارىنىڭ اراسىندا, اۋماعى شامامەن 15 گەكتار جەردە سالىنادى. بۇل اۋماق بولاشاقتا قالا ٷشٸن كٶلٸك-لوگيستيكالىق حابقا اينالىپ, كٶرەرمەندەر مەن قوناقتارعا بارىنشا ىڭعايلى جاعداي جاساماق.
«پرەزيدەنتتٸڭ تاپسىرماسىنا سەيكەس جۇمىستى جەدەلدەتۋٸمٸز قاجەت. كەلەر جىلى قۇرىلىس-مونتاج جۇمىستارى باستالۋى تيٸس», – دەدٸ الماتى ەكٸمٸ دارحان ساتىبالدى.
سونداي-اق, 65 جىلدان استام تاريحى بار ورتالىق ستاديون ساقتالىپ, جەڭٸل اتلەتيكا ينفراقۇرىلىمى ەسكەرٸلە وتىرىپ جاڭعىرتىلادى. ول الماتى سپورت تاريحىنىڭ بٸر بٶلٸگٸ بولىپ قالا بەرمەك.
