Almatyda jalǵan AQSh dollaryn jasaǵandar sottaldy, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Agenttiktiń Almaty qalasy boiynsha Ekonomikalyq tergep-tekserý departamenti jalǵan AQSh dollaryn saqtaýmen jáne ótkizýmen ainalysqan qylmystyq topqa qatysty sotqa deiingi tergeýdi aiaqtady.
«2020 jyldyń tamyz aiynda jedel-izdestirý is-sharalaryn júrgizý kezinde Almaty qalasynyń aýmaǵynda jalpy somasy 4 200 dollar bolatyn 42 dana 100 AQSh dollary nominalyndaǵy jalǵan shetel valiýtasyn satýmen ainalysatyn eki adamnan turatyn qylmystyq top áshkerelenip, ustaldy», delingen habarlamada.
Sot úkimimen aiyptalýshylar Qylmystyq kodekstiń 231-baby 2-bóligi 2,3-tarmaǵy (jalǵan aqshany nemese baǵaly qaǵazdardy daiyndaý, saqtaý, tasymaldaý nemese ótkizý) boiynsha kináli dep tanylyp, 3 jyldan 5 jylǵa deiin bas bostandyǵynan aiyrý túrindegi ártúrli jaza merzimine sottaldy.
