Almatyda jalǵan aqsha jasaýshylar ustaldy, dep habarlaidy "Ult aqparat" QR Qarjy ministrligi Qarjylyq monitoringi komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, Qarjy monitoringi komitetiniń Almaty qalasy boiynsha Ekonomikalyq tergeý departamentiniń qyzmetkerleri Almaty qalasy men Almaty oblysy aýmaǵynda nominaly 10 000 teńge bolatyn jalǵan banknotalardy daiyndaý jáne ótkizýmen ainalysatyn eki tulǵadan quralǵan qylmystyq topqa qatysty sotqa deiingi tergeýdi aiaqtady.
Tekserý sharalaryn júrgizý barysynda bir top tulǵanyń aldyn-ala kelisim boiynsha ótkizý maqsatynda Qazaqstan Respýblikasy Ulttyq bankiniń jalǵan banknotalaryn daiyndaityn astyrtyn tsehty uiymdastyrǵany anyqtaldy.
Jalǵan aqsha daiyndaityn tseh retinde jabdyqtalǵan páterdi tintý barysynda noýtbýk, túrli-tústi printer, sýtańbasy bar arnaiy qaǵaz, boiaý flakondary, eki jaǵynda 10000 teńgelik sýretteri (blankileri) bar sandyq faildar, banknot pen oiý-órnektiń ornyn almastyratyn folgadan jasalǵan lentalar, keńse taýarlary jáne quny 220 000teńgeni quraityn jalǵan qaǵaz aqsha tárkilenip alyndy.
«Sot úkimimen aiyptalýshylar QR QK 231 babynyń 2-b. sáikes (jalǵan aqsha nemese baǵaly qaǵazdar jasaý, saqtaý, alyp ótý nemese ótkizý) kináli dep tanylyp, astyrtyn tseh uiymdastyrýshylardyń birinshisine 5 jyl, ekinshisine 3 jyl 6 ai merzimge bas bostandyǵynan aiyrý jazasy taǵaiyndaldy.
